Иван Андрійович Гарайда уродився 29 януара 1905 года, у с. Зарічово Ужського комітату, Австо-Мадярщина (ныні Перечинськый район Закарпатя) — умер у 1944г.) — вученый, історик, філолоґ, редактор, выкладач.
Иван Гарайда уродився 29 януара 1905 года в селі Зарічово у родині директора сільської ошколи Андрія Гарайды.
У сьому селови 43 годы директором церковної ошколи робив його дідо по маттери — Иван Торма, мати та уйко якого тоже занималися богослужінями.
1928 года закончив юридичеськый факултет Будапештського університету; у 1934 годови філолоґічеськоє одділєніє Краковського університету, пак ошколовся на філозофському факултеті Пийчського університету.
У 1934—1939 годах выкладав мадярськый язык у Краковському університеті.
У новемброви 1940 — октовброви 1944годах, послє переїзда у Ужгород, робив выконавчым директором научно-освітительського общестства — Подкарпатського общестства наук.
1941—1943 — редактор часопису «Звізда-Hajnal»;
1942—1944 — редактр часопису «Русинська молодьож»;
1941—1944 — редактор часопису «Літературна ниділя», серії «Літературно-научна бібліотека» тай «Народна бібліотека».
У новембрі 1944 года Ивана Гарайду закрыла у темницю служба совітської воєнної контррозведкы «СМЕРШ» по обвинєнію у антисовітськуй пропаґанді, айбо до суда діло так и не дуйшло.
13 децембра 1944 года Иван Гарайда умер.