Юлій Иванович Ставровськый-Попрадов (уродився 18 януара 1850 года, у Сулині (ныні Словакія) — умер 27 марта 1899 года у Пряшові) — Подкарпарусинськый поет, грекокатоличеськый сященник.
Образованіє получив у Пряшовськуй ґімназії на юридичеському и богословському факультетах Будапештського университета.
Робив сященником у селови Ярабина (Стара-Любовня), служив у єпископськуй канцелярії Пряшова, робив настоятельом прихода у селови Чертижне (Медзилаборце).
Увлікався славянськыми языками. Умер у 49 году од воспаленія легкых, похороненый рядом из Адольфом Добрянськым.